Bolgariyaning poytaxti Sofiya shahrida o‘smirlar o‘rtasidagi dzyudo bo‘yicha Jahon chempionatiga start berildi. Musobaqaning ilk kuniyoq O‘zbekiston terma jamoasi ajoyib natija qayd etib, 3 ta oltin medalni qo‘lga kiritdi. Bunday muvaffaqiyatli boshlanish jamoamiz tarixida haligacha kuzatilmagan edi.
Ayniqsa, qizlarimizdan biri — Dilafro‘z Boltaboyeva 10 yillik tanaffusdan so‘ng tarixga kirdi. U Diyora Keldiyorovadan keyin o‘smirlar o‘rtasidagi Jahon chempionatida g‘olib chiqqan ikkinchi o‘zbekistonlik dzyudochi qiz sifatida yodga olindi. Bu natija nafaqat shaxsiy, balki milliy sportimiz tarixida ham muhim sahifa bo‘lib qoldi.
Oltin medallar egalari:
— -40 kg: Dilafro‘z Boltaboyeva
— -50 kg: Xushnud Sultonov
— -55 kg: Xushnud Burxonov
Muttaxassislar ta’kidlashicha, shunday kuchli boshlanish terma jamoamiz uchun katta turtki bo‘lib xizmat qiladi. Chunki musobaqa hali oldinda davom etadi va yana yangi g‘alabalarga umid katta.
Muxlislar esa dzyudochilarimizning kelgusi kunlardagi ishtirokini katta qiziqish va intiqlik bilan kutmoqda.
