Dzyudo chempionatida yangi tarix: O‘zbekiston yoshlari rekord o‘rnatdi

To‘rt kundan buyon Bolgariya poytaxti Sofiya shahrida o‘smirlar o‘rtasidagi jahon chempionati qizg‘in tarzda o‘tmoqda. Bellashuvlar qizg‘in jarayonlarda kechayotgan bir vaqtda, O‘zbekiston terma jamoasi ilk kunlardanoq yuqori natijalar qayd etib, muxlislariga katta quvonch ulashmoqda.

Ortda qolgan uchinchi kun natijalariga ko‘ra, dzyudochilarimiz medallar umumiy hisobida yetakchilikni saqlab qolishdi. Mana shu vaqtga qadar jamoamiz 6 ta medalni qo‘lga kiritdi. Ulardan 4 tasi oltin medal ekani alohida e’tiborga loyiq. Bu ko‘rsatkich bilan O‘zbekiston sport tarixi uchun yangi rekord o‘rnatildi.

Musobaqada ikkinchi o‘rinni Xalqaro dzyudo federatsiyasi (IJF) bayrog‘i ostida ishtirok etayotgan rossiyalik sportchilar egallab turibdi. Ular 3 ta oltin va 3 ta bronza medali bilan zaxirada. Dzyudo vatani Yaponiya jamoasi esa 1 ta oltin va 2 ta kumush medal bilan kuchli uchlikdan joy oldi.

Shuningdek, kuchli o‘ntalik qatorida Braziliya, Qozog‘iston, Mo‘g‘uliston, Serbiya, Turkiya, Gruziya va Belgiya kabi dzyudo maktablari ham joy oldi. Bu esa musobaqa darajasining yuqoriligidan darak bermoqda.

O‘zbekiston dzyudo federatsiyasi tarqatgan ma’lumotda ta’kidlanishicha, yosh sportchilarimiz bosqichma-bosqich o‘z mahoratlarini namoyish etib, mamlakat sharafini munosib himoya qilmoqda. Muttaxassislar fikricha, Sofiyada qayd etilgan ushbu natijalar kelgusi Olimpiada yo‘lida yoshlarimiz uchun katta tajriba va yangi imkoniyatlar eshigini ochadi.