date

Nikolas Jekson “Bavariya”ga qo‘shilmoqda: kelishuv shartlari qanday?

Nikolas Jekson “Bavariya”ga qo‘shilmoqda: kelishuv shartlari qanday?

“Chelsi” tarkibida to‘p surgan senegallik hujumchi Nikolas Jekson endi faoliyatini Germaniyada davom ettirishi kutilmoqda. Myunxenning “Bavariya” klubi 24 yoshli forvard transferi bo‘yicha londonliklar bilan to‘liq kelishuvga erishdi.
Ma’lumotlarga ko‘ra, Jekson bir mavsumga ijara asosida “Bavariya” safida harakat qiladi. Eng qiziqarlisi, kelishuvda uni sotib olish huquqi ham bor. Nemis grandi hujumchining ijarasi uchun 15 million yevro to‘laydi. Agar sotib olish bandi ishga tushsa, Jeksonning umumiy narxi 65 million yevroga teng bo‘ladi.
Shu bilan birga, agar “Bavariya” futbolchini keyinchalik to‘liq sotib olsa, “Chelsi” hujumchining keyingi transferi uchun muayyan foiz olish imkoniga ega bo‘ladi.
Nikolas Jekson o‘tgan mavsum Angliya Premer-ligasida 30 ta uchrashuvda maydonga tushib, 10 ta gol urdi va 5 ta assist berdi. Uning yosh bo‘lishi va katta salohiyati myunxenliklar uchun katta ustunlik sifatida ko‘rilmoqda.
Muttaxassislar fikricha, Jeksonning “Bavariya”ga qo‘shilishi jamoa hujum chizig‘ini yanada kuchaytiradi. Muxlislar esa uning Bundesligada qanday o‘yin ko‘rsatishini intiqlik bilan kutmoqda.
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Sport » Nikolas Jekson “Bavariya”ga qo‘shilmoqda: kelishuv shartlari qanday?