Bolgariya poytaxti Sofiya shahrida o‘smirlar o‘rtasida dzyudo bo‘yicha jahon chempionati o‘z yakuniga yetdi va unda yosh dzyudochilarimiz tarixiy yutuqqa erishishdi. Musobaqa davomida sportchilarimiz yuksak mahorat va jasorat namoyishi orqali nafaqat medallar, balki umumjamoa hisobida birinchi o‘rinni ham qo‘lga kiritishdi.
Jahon chempionatining so‘nggi kungi bellashuvlari ham O‘zbekiston terma jamoasi uchun omadli kechdi. Xususan, qizlar o‘rtasida +70 kg vazn toifasida to‘qnashuvlarda ishtirok etgan Umida Nig‘matova barcha raqiblarini mag‘lubiyatga uchratib, oltin medalga ega chiqdi. Uning g‘alabasi jamoamiz hisobiga yana bir muhim ochko qo‘shdi va umumiy natijalarni mustahkamladi.
Shu tariqa, o‘smir dzyudochilarimiz jami 5 ta oltin va 2 ta bronza medalini qo‘lga kiritishdi. Bu natija ularni umumjamoa hisobida mutloq yetakchiga aylantirdi. Musobaqadagi yuqori ko‘rsatkich yosh dzyudochilarimiz tayyorgarligi, sabr-toqati va irodasi qay darajada ekanini yana bir bor namoyon etdi.
“Zamin”ni Telegramʻda oʻqing!
