FIFA rahbari Janni Infantino hozirda Shimoliy Amerikada bo‘lib, 2026 yilgi Jahon chempionatiga tayyorgarlik ishlarini yaqindan nazorat qilmoqda. Uning asosiy maqsadlaridan biri — musobaqaga keladigan futbol ishqibozlari sonini ko‘paytirish va ular uchun tashrif jarayonini yengillashtirishdir.
Infantino ayni paytda Shimoliy Amerika mamlakatlari bilan muzokaralar olib borib, boshqa davlatlardan keladigan muxlislar uchun vizani soddalashtirish masalasida kelishuvga erishishga intilayotganini ta’kidladi.
«Klublar o‘rtasidagi Jahon chempionatiga 164 mamlakatdan muxlislar tashrif buyurishdi. Ular AQSHga bemalol kirish imkoniyatiga ega bo‘lishdi. Albatta, tartib va talablar bo‘lishi kerak, ammo umid qilamanki, Jahon chempionatida qatnashadigan barcha davlatlar o‘z ishqibozlarini taklif qilish imkoniga ega bo‘ladi», – deya qayd etdi FIFA prezidenti.
Eslatib o‘tamiz, 2026 yilgi Jahon chempionati 11-iyunda start oladi va 19-iyulga qadar davom etadi. Turnir AQSH, Kanada va Meksikada o‘tkaziladi.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar