Eron milliy terma jamoasi yetakchilaridan biri – Mehdi Taremi «CAFA Nations Cup-2025» turnirida maydonga tusha olmaydi. Sababi, hujumchi Gretsiyaga yo‘l olib, u yerda «Olimpiakos» klubi bilan shartnoma imzolash jarayonlariga qo‘shildi.
Eslatib o‘tish joiz, undan oldin Eron termasining yana bir muhim hujumchisi – Alirizo Husaynzoda olgan jarohati tufayli jamoa safiga yordam bera olmasligi ma’lum qilingan edi. Bu esa terma jamoa murabbiylari uchun katta yo‘qotish hisoblanadi.
Taremi o‘tgan mavsum Italiyaning nufuzli klubi «Inter» tarkibida harakat qilgan. U 26 ta uchrashuvda maydonga tushib, raqib darvozasini bir marta ishg‘ol qilgan hamda ikki golli uzatmani amalga oshirgan.
Mutasaddilar fikricha, futbolchining «Olimpiakos»ga o‘tishi uning Yevropa sahnasidagi faoliyatida yangi sahifa ochishi mumkin. Biroq hozircha eng katta savol – Eron termasi usiz CAFA musobaqasida qanday natija ko‘rsata oladi, degan masala bo‘lib turibdi.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
