Madridning mashhur klubi “Atletiko” o‘zining rasmiy sayti orqali “Yuventus” yarim himoyachisi Nikolas Gonsalesni ijara asosida o‘z safiga qo‘shib olganini ma’lum qildi. 27 yoshli argentinalik futbolchi mavsum oxirigacha Ispaniyada to‘p suradi.
“Yuventus” tomonidan tarqatilgan ma’lumotga ko‘ra, turinliklar ushbu bitimdan dastlab 1 million yevro daromad ko‘radi. Bu summa muayyan shartlar bajarilgan taqdirda 2 million yevroga yetkazilishi mumkin. Shu bilan birga, kelishuvdagi qo‘shimcha moddaga asosan, agar futbolchi kutilgan natijalarni ko‘rsatsa, “Atletiko” uni 32 million yevroga to‘liq sotib olish majburiyatini ham zimmasiga oladi. Ushbu mablag‘ uch yil mobaynida to‘liq to‘lanishi ko‘zda tutilgan.
Gonsales o‘tgan mavsumda Italiya chempionati doirasida 26 marotaba maydonga tushib, 3 gol urdi va 2 ta golli uzatma bilan jamoasiga yordam berdi. Bu natijalar uning yangi jamoasiga qanday foyda keltirishi muxlislar uchun qiziq jarayon bo‘lib turibdi.
“Zamin”ni Telegramʻda oʻqing!
