2023 yilgi jahon chempionilik unvonini qo‘lga kiritgan Germaniya basketbol terma jamoasi endi Yevropa qit’asi chempionligiga ham ega chiqdi. Bu g‘alaba nemislar uchun tarixda ikkinchi marta Yevropa chempioni bo‘lish imkonini berdi.
14 sentyabr, yakshanba kuni Riga shahrida o‘tgan Yevropa chempionati finalida Germaniya terma jamoasi Turkiyadan kelgan raqiblari bilan to‘qnash keldi. Juda keskin va murosasiz kechgan bahs 88:83 hisobida nemislar foydasiga hal bo‘ldi.
Eslatib o‘tamiz, ikki yil avval Germaniya Manilada o‘tgan jahon chempionatida ham katta g‘alabaga erishgan edi. Endi esa ular qit’aviy musobaqada ham g‘olib chiqib, dunyoning eng kuchli basketbol jamoalari qatoridan o‘rin oldi.
Nemislar Yevropa chempionligiga ilk bor 1993-yilda ega chiqqan. O‘shandan beri oradan o‘tgan o‘ttiz yillar davomida turli qiyinchiliklarga duch kelgan jamoa yana yuqori pog‘onaga ko‘tarildi.
G‘alabadan so‘ng NBA yulduzi Frans Vagner shunday dedi:
— Germaniya basketbol bo‘yicha ham jahon, ham Yevropa chempioni. Biz o‘zimizga tegishli joydamiz. Uyda hali ham bir nechta juda kuchli o‘yinchilar bor.
Final taqdirini hal qilgan eng muhim ochkolarni Germaniya terma jamoasi sardori Dennis Shryoder kiritdi. Uning ijrosi jamoaga ishonchli g‘alabani taqdim etdi va natijada u uchrashuvning eng yaxshi o‘yinchisi deb topildi.
Shu tariqa Germaniya basketbol terma jamoasi o‘z tarixida yana bir yorqin sahifani ochib, Yevropada ham mutlaq zafar quchdi.
“Zamin”ni Telegramʻda oʻqing!
