“Nyukasl” bosh murabbiyi Eddi Xau Chempionlar Ligasi 1-turidan o‘rin olgan “Barselona”ga qarshi bahs oldidan o‘z qarashlari bilan o‘rtoqlashdi.
Mutaxassisning ta’kidlashicha, bu o‘yin klub uchun katta ahamiyatga ega tarixiy voqea hisoblanadi:
“Qur’a natijalarini ko‘rgan chog‘imda, qalbimda turli his-tuyg‘ular uyg‘ondi. Shundan so‘ng barcha diqqat-e’tiborni taktika va tayyorgarlikka qaratdik. Chempionlar Ligasidagi bellashuvlar doimiy o‘yinlardan tubdan farq qiladi. Bunday paytlarda tajribamiz qo‘l kelishiga ishonaman. Ikki yil ichida jamoamiz tarkibi sezilarli kuchaydi, bu esa ishonchimizni oshirmoqda. Men jamoamizga to‘liq ishonaman va ularning maydondagi harakati muxlislarni xursand qiladi, deb o‘ylayman”.
Shu bilan birga, Eddi Xau yosh iqtidor egasi Lamin Yamalning jarohati tufayli o‘yinda ishtirok etmasligi klub uchun yo‘qotish ekanini ta’kidladi:
“Albatta, bunday salohiyatli futbolchini bu uchrashuvda ko‘ra olmasligimiz afsusli. Biroq “Barselona” safida qanotlarda yana boshqa kuchli va mahoratli o‘yinchilar borligini inkor etib bo‘lmaydi”.
Eslatib o‘tamiz, Chempionlar Ligasining 1-turi doirasidagi “Nyukasl” – “Barselona” to‘qnashuvi bugun Toshkent vaqti bilan soat 00:00 da start oladi.
“Zamin”ni Telegramʻda oʻqing!
