"Bavariya" prezidenti Gerbert Xayner jamoa bosh murabbiyi Vensan Kompani bilan shartnoma uzaytirilgani haqida fikr bildirdi. U Kompanining klubdagi faoliyatini yuqori baholab, murabbiyga bo‘lgan ishonch mustahkamligini ta’kidladi. Bu haqda Euro-football.ru xabar berdi.
Xayner Kompanining mehnatini alohida e’tirof etdi. Uning so‘zlariga ko‘ra, bosh murabbiy futbolchilar, rahbariyat va muxlislar orasida katta hurmatga ega. Prezident jamoa bilan hamkorlik davom etayotganidan mamnunligini bildirdi.
Avvalroq Vensan Kompani "Bavariya" bilan 2029-yilgacha yangi shartnoma imzoladi. Murabbiy imzo chekishdan so‘ng klub rahbarlariga bildirgan ishonch uchun minnatdorlik izhor etdi.
Kompani 2024-yil yozida "Bavariya" bosh murabbiyi bo‘ldi. Klub rahbariyati unga uzoq muddatli ishonch bildirib, kelajakda jamoani yangi yutuqlarga olib chiqishini kutmoqda.
“Zamin”ni Telegramʻda oʻqing!
