"Real" darvozaboni Tibo Kurtua "Vilyarreal" va "Barselona" o‘rtasidagi La Liga uchrashuvining AQSHda o‘tkazilishi haqidagi qarorga munosabat bildirdi. U matbuot anjumanida bu qaror musobaqaning mohiyatini buzishini ta’kidladi.
Euro-football.ru yozishicha, Kurtua La Liga rahbariyatining bunday qarorlari turnir adolatiga putur yetkazishini aytdi. Kurtua futbolchilar har doim o‘z maydonida va safarda o‘ynashlari kerakligini qayd etdi.
U NBA va NFL ligalarini misol qilib keltirdi va u yerda bunday qarorlarni barcha klublar egalarining ovozi bilan qabul qilishini eslatdi. Uning so‘zlariga ko‘ra, La Liga esa o‘z xohishiga ko‘ra harakat qilmoqda.
Kurtua yaqinda "Real Sosedad" va "Xetafe"ga qarshi o‘yinlarda ham uy va safar uchrashuvlari o‘rtasidagi farqni yaqqol sezganini bildirdi. U "Vilyarreal" maydonida o‘ynash har doim qiyin kechishini ta’kidladi.
Ma’lumotlarga ko‘ra, "Vilyarreal" va "Barselona" o‘rtasidagi La Liga bahsi joriy yil dekabr oyida Mayami shahrida bo‘lib o‘tadi. Bu qaror Ispaniya futbolida keng muhokamalarga sabab bo‘ldi.
Avvalroq ham La Liga o‘yinlarini xorijda o‘tkazish tashabbusi futbolchilar va murabbiylar tomonidan tanqid qilingan edi. Kelgusida bunday qarorlar futbolchilar va muxlislarning noroziligiga sabab bo‘lishi mumkin.
“Zamin”ni Telegramʻda oʻqing!
