Londonning "Arsenal" klubi 2025-yil 21-oktyabr kuni Chempionlar ligasi uchrashuvida Madridning "Atletiko" jamoasini 4:0 hisobida mag‘lub etdi. Barcha gollar o‘yinning ikkinchi yarmida, 57-daqiqadan 70-daqiqagacha bo‘lgan oraliqda kiritildi.
Dastlab Gabriel Santos va Gabriel Martinelli hisobni ochishdi. Keyinchalik Viktor Gyokeresh raqib darvozasiga ikkita gol urdi. Bu natija bilan "Arsenal" Chempionlar ligasi tarixida Ispaniya klublarini ketma-ket yetti o‘yinda mag‘lub etgan ilk jamoaga aylandi.
Mikel Arteta boshchiligidagi jamoa bungacha Madridning "Real" va "Sevilya" klublarini ikki martadan, shuningdek, "Jirona" va "Atletik" klublarini ham mag‘lub etgan. Joriy mavsumda guruh bosqichining dastlabki uchta uchrashuvida "kanonirlar" to‘qqiz ochko to‘pladi.
"Arsenal" Chempionlar ligasidagi ishtirokini muvaffaqiyatli davom ettirmoqda. Klub kelgusi o‘yinlarda ham yuqori natija ko‘rsatishni maqsad qilgan.
“Zamin”ni Telegramʻda oʻqing!
