Angliya Premyer-ligasining to‘qqizinchi turidan keyin “Manchester Yunayted” turnir jadvalida “Liverpul”dan o‘zib ketdi. Bu haqda Euro-football.ru xabar berdi.
“Manchester Yunayted” “Brayton” ustidan g‘alaba qozonganidan so‘ng 16 ochko jamg‘arib, to‘rtinchi o‘ringa ko‘tarildi. Klub ochkolar bo‘yicha “Manchester Siti” bilan tenglashdi.
“Liverpul” esa ketma-ket to‘rt mag‘lubiyatdan so‘ng oltinchi pog‘onaga tushib ketdi. Jamoa ushbu tur yakuniga ko‘ra, yana pastga tushishi mumkin.
Ma’lumotlarga ko‘ra, “Liverpul” so‘nggi 4,5 yil ichida ilk bor APLda ketma-ket to‘rt uchrashuvda yutqazdi. Arne Slot jamoasi oxirgi olti o‘yinda barcha musobaqalarda besh mag‘lubiyatga uchradi.
Keyingi, o‘ninchi turda “Liverpul” 1 noyabr kuni o‘z maydonida “Aston Villa”ni qabul qiladi. Shu kuni “Manchester Yunayted” esa safarda “Nottingem Forest”ga qarshi o‘ynaydi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
