"Brentford" yarim himoyachisi Jordan Henderson "Liverpul"ning so‘nggi o‘yinlardagi muammolari haqida fikr bildirdi. U sobiq jamoasining natijalari sustlashganini tan oldi, ammo "Liverpul" hali ham kuchli ekanini ta’kidladi.
Euro-football.ru yozishicha, Henderson bu fikrlarini TNT Sports bilan suhbatda aytgan. Arne Slot boshqaruvidagi "Liverpul" barcha musobaqalarda so‘nggi olti o‘yindan beshtasida mag‘lub bo‘ldi.
Angliya Premyer-ligasida esa "qizillar" ketma-ket to‘rt uchrashuvda yutqazdi. Oxirgi mag‘lubiyat "Brentford"ga qarshi yakshanba kuni bo‘lib o‘tdi va 2:3 hisobi bilan yakunlandi.
Henderson "Liverpul" tarkibida zaif tomonlarni ko‘rmayotganini aytdi. U jamoa hozircha natijalarda qiyinchilikka duch kelayotganini, biroq tez orada o‘yinini tiklab, muvaffaqiyatga erishishiga ishonishini bildirdi.
Henderson "Liverpul"da 12 yil o‘ynagan va bir necha yil jamoa sardori bo‘lgan. Ayni paytda, Premyer-liga jadvalida "Liverpul" to‘qqiz turdan so‘ng oltinchi o‘rinda bormoqda.
"Brentford" esa o‘ninchi pog‘onani egallab turibdi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
