Ispaniyalik himoyachi Raul Albiol yaqinda La Liga doirasida "Real" va "Barselona" o'rtasidagi o'yinda Vinisius Juniorning zaxiraga almashtirilgach ko'rsatgan xatti-harakatlarini izohladi. "Inson xato qilishi mumkin, bu tabiiy hol.
U xatosini anglab, yana o'z o'rniga qaytdi. Vinisius o'zini boshqarishni o'rganishi kerak.
Hozirda u avvalgidek ko'p o'yin amaliyotiga ega emas. Bu, albatta, unga yetishmayapti.
Ammo bosh murabbiy istalgan yulduz futbolchini maydondan olib tashlashi mumkin", - deydi ispaniyalik futbolchi Cadena Ser nashriga bergan intervyusida. Ma'lumot uchun, "El-Klasiko" bahsi "Real"ning 2:1 hisobidagi g'alabasi bilan yakunlandi.
Bu g'alaba madridliklarga La Liga turnir jadvalida "Barselona"dan besh ochko oldinga chiqib olish imkonini berdi.
