Liverpul APLda mudofaa bo‘yicha ikkinchi o‘rinda oxirgi

Liverpul jamoasi Angliya Premer-ligasining turnir jadvalida ettinchi o‘rinda bormoqda. So‘nggi to‘rtta o‘yinda mag‘lubiyatga uchragan jamoaning asosiy muammolaridan biri — mudofaa chizig‘ining ishonchsiz o‘yini bo‘lib qolmoqda.

Times Sportning ma'lumotlariga ko‘ra, mersisaydliklar o‘z darvozasi oldida 19 ta aniq gol urish imkoniyatiga yo‘l qo‘ygan (standart vaziyatlarsiz hisoblaganda). Bu ko‘rsatkich bo‘yicha Liverpul chempionatda ikkinchi eng yomon natijaga ega, faqat Byornlidan (21) o‘zib ketmoqda.

Qizig‘i shundaki, Arne Slot jamoasi yaratilgan aniq imkoniyatlar bo‘yicha peshqadamlar qatorida — 21 ta (faqat Manchester Siti undan ko‘proq, ya'ni 23 ta, imkoniyat yaratgan). Bugun Liverpul o‘z maydonida APLning 10-tur uchrashuvida Aston Villani qabul qiladi.

O‘yin Toshkent vaqti bilan 01:00 da boshlanadi. “Zamin”ni Telegramʻda oʻqing!