Haqiqiy kino hikoyasi: "Espanol" jamoasining hozirgi bosh murabbiyi, 46 yoshli Manolo Gonsales ilgari avtobus haydovchisi bo'lib ishlagan. The Guardian nashrining xabar berishicha, u hatto 2020-yilga qadar Barselona va Badalona shaharlari orasidagi yo'nalishda avtobus boshqargan.
Aslida, bu ish Gonsales uchun vaqtinchalik daromad manbai bo'lgan, chunki futboldagi ishlari yaxshi ketmagan. Ammo 2020-yilda uning "Badalona" jamoasi Ispaniya Qirol kubogida "Xetafe"ni mag'lubiyatga uchratdi va bu uning murabbiylik faoliyatida burilish nuqtasi bo'ldi.
2023-yilda Gonsales "Espanol"ni murakkab vaziyatda quyi ligaga tushib ketishdan qutqarib qoldi va shu orqali jamoa muxlislarining mehrini qozondi. Hozirda esa jamoa La Liga jadvalida oltinchi o'rinda bormoqda.
