Daniya klubi "Kopengagen" bosh murabbiyi Yakob Nyestup Yevropa Chempionlar Ligasi doirasida Angliyaning "Tottenhem" jamoasiga qarshi oʻyin oldidan oʻz fikrlarini bildirdi. Toʻrtinchi tur uchrashuvi 4-noyabr kuni Moskva vaqti bilan soat 23:00 da boʻlib oʻtadi.
"Yoʻq, men oʻyindan qoʻrqmayman. Nima uchun qoʻrqishim kerak?
Bizda Angliya Premer-ligasi jamoalariga qarshi yaxshi tajriba bor. Biz "Chelsi", "Manchester Yunayted", "Manchester Siti" kabi klublarga qarshi oʻynaganmiz va yaxshi natijalar koʻrsatganmiz.
"Siti" oʻz eng yaxshi formasida boʻlganida oʻyin biz uchun qiyin kechgan edi. Lekin biz bu safar oʻyinni intiqlik bilan kutyapmiz va yaxshi oʻyin boʻlishiga ishonaman", – dedi murabbiy Sunday Guardian Live nashriga bergan intervyusida.
Hozirda "Tottenhem" musobaqa jadvalida 5 ochko bilan 15-oʻrinni egallab turibdi. "Kopengagen" esa 1 ochko bilan 32-oʻrinda joylashgan.
