Ronaldu: Jahon chempionligi orzum emas

Futbol yulduzi Krishtianu Ronaldu jahon chempionatida gʻalaba qozonish uning orzusi emasligini yana bir bor taʼkidladi. "Agar mendan: 'Sening orzuing jahon chempionatida gʻalaba qozonishmi?' deb soʻrasangiz, yoʻq.

Bu mening orzuim emas. Jahon chempionatidagi gʻalaba mening futbol tarixidagi oʻrnimni oʻzgartirmaydi.

Men har bir ondan zavqlanaman. Hozirgi lahza eng muhim.

Biz hali saralashdan oʻta olganimiz yoʻq, shuning uchun faqat zavqlanishimiz kerak. Yaqinda men «Sporting» stadionida Vengriyaga qarshi oʻynadim.

Balki bu oʻsha joyda soʻnggi oʻyinim boʻlgandir. Buni hech qachon bila olmaysiz.

Men shunchaki zavq oldim. Oʻsha yerda onam, oilam boʻldi.

Odamlar aytishyapti: 'Krishtianu jahon chempionatida gʻalaba qozonsa, eng buyuk futbolchi boʻladi'. Men bunga qoʻshilmayman", – dedi Ronaldu Pirs Morgan bilan suhbatda.