Kurtua Trentga nisbatan tanqidlarga munosabat bildirdi

Madridning "Real" jamoasi darvozaboni Thibaut Kurtua "Liverpul" muxlislarining himoyachi Trent Aleksander-Arnoldga nisbatan salbiy munosabatlariga izoh berdi. UEFA Chempionlar Ligasi umumiy bosqichi o'yinlarida Trentga nisbatan tanqidlar ko'paygan edi.

"Trent "Liverpul"dan "Manchester Yunayted" kabi ashaddiy raqibga oʻtib ketmagan. U hozir "Real" safida toʻp surmoqda.

Men muxlislardan unga hurmat bilan munosabatda boʻlishlarini va klub uchun qilgan barcha ishlari uchun minnatdor boʻlishlarini soʻrar edim", — dedi belgiyalik darvozabon beIN Sportsga bergan intervyusida. Trent Aleksander-Arnold "Liverpul" akademiyasi tarbiyalanuvchisi hisoblanadi.

U 2025-yil yozida "Real" safiga oʻtgan. 27 yoshli himoyachi "qirollik" klubi bilan olti yillik shartnoma imzolagan.