“Barselona” hujumchisi Ferran Torres Chempionlar Ligasi doirasida “Bryugge”ga qarshi (3:3) bo'lib o'tgan o'yindan so'ng jurnalistlarga intervyu berdi. Hans-Diter Flik jamoasi yana bir bor himoyada zaifliklarini namoyon etdi, bu esa yakuniy hushtakdan so'ng asosiy muhokama mavzusiga aylandi.
"Chempionlar Ligasida xatolarga o'rin yo'q. Bunday ko'p gol o'tkazib bo'lmaydi, bu bizning hayotimizni qiyinlashtiradi.
Biz bu muammoni hal qilish ustida ishlashimiz kerak. Raqiblar bizni o'rganishadi, ular bizning kuchli tomonlarimizni va ularga qanday qarshi turishni yaxshi bilishadi.
Ular bizga qarshi samarali ishlaydigan usullarni qo'llashmoqda", – dedi Torres, Belgiya maydonida "ko'k-anorranglilar"ning birinchi goliga mualliflik qilgan futbolchi. Kataloniyaliklar Chempionlar Ligasi umumiy bosqichining to'rt turidan so'ng atigi yetti ochko yig'ishga muvaffaq bo'lishdi.
