Chili terma jamoasi Rossiyaga yetib keladi

Chili terma jamoasi dushanba kuni Rossiyaga o‘rtoqlik uchrashuvi uchun yetib keladi. Bu haqda milliy jamoa matbuot kotibi David Munyos xabar berdi.

"Chili terma jamoasi dushanba kuni kechasi Sochiga yetib keladi", - dedi matbuot kotibi Sport24 nashriga. Rossiya va Chili terma jamoalari o‘rtasidagi o‘rtoqlik uchrashuvi 15-noyabr kuni Sochidagi stadionda bo‘lib o‘tadi.

Uchrashuv Moskva vaqti bilan soat 18:00 da boshlanadi. Eslatib o‘tamiz, Rossiya terma jamoalari va klublari FIFA va UEFAning birgalikdagi qarori bilan 2022-yil fevralidan boshlab xalqaro turnirlarda ishtirok etishdan chetlatilgan.

Shuningdek, 12-noyabr kuni Valeriy Karpin boshchiligidagi Rossiya terma jamoasi Peru bilan uchrashuv o‘tkazadi.

Sardor Ergashev

«ZAMIN.UZ» muharriri