Kristensen o'z formasidan norozi

"Barselona" va Daniya terma jamoasi markaziy himoyachisi Andreas Kristensen o'zining jismoniy holatini baholadi. "O'tgan mavsumgacha jismoniy formam borasida deyarli hech qanday savollar yo'q edi.

Ammo o'shandan beri bunday savollar ko'paydi. Bu meni bezovta qiladi, lekin men buni qabul qilishim kerak", - dedi daniyalik futbolchi jurnalistlarga bergan intervyusida.

Kristensen 2022 yildan beri Kataloniya klubi sharafini himoya qilmoqda. Hozirgi mavsumda 29 yoshli himoyachi 10 ta o‘yinda ishtirok etgan, biroq natijali harakatlar qayd etmagan.

Kristensening "Barselona" bilan amaldagi shartnomasi 2026 yil yozigacha mo'ljallangan.