PSJ "Havr"ni yirik hisobda magʻlub etdi

1-Liga 13-turida PSJ oʻz uyida "Havr"ni qabul qildi. Mehmon jamoa faqatgina himoyada oʻynash bilan cheklanib qolmadi va bir necha xavfli vaziyatlar yaratishga muvaffaq boʻldi.

Oʻyinning dastlabki daqiqalarida Li Kang In oʻng qanotdan jarima maydonchasiga uzatma amalga oshirdi. Oʻsha uzatmadan soʻng Joau Neves toʻpni Gonchalu Ramosga yoʻnaltirdi, biroq Ramos ofsaydda boʻlib, zarbasi nishonga yetmadi.

Mehmonlarning hujumchisi Issa Sumare jarima maydonchasiga kirib, Lucas Beraldoni aldab oʻtdi va toʻpni Simon Ebonogga uzatdi. Ammo bu zarbani PSJ darvozaboni ajoyib tarzda qaytarishga muvaffaq boʻldi.

29-daqiqada Nunu Mendesh chap qanotda toʻpni qabul qilib, jarima maydonchasiga uzatma berdi. Gonchalu Ramos toʻpga yetib bormadi, lekin toʻp Li Kang Inning oldiga kelib tushdi va u pastki zarba bilan hisobni ochdi – 1:0.

Ikkinchi boʻlimda PSJ jamoasi raqibning maydonida toʻpni egalladi. Bredli Barkola chap qanotdan jarima maydonchasiga kirib, ikki marta zarba yoʻlladi.

Darvozabon ilk zarbani qaytardi, ikkinchi zarbani esa himoyachi toʻsdi. Biroq, toʻp Nevesga yetib bordi va u aniq zarba bilan hisobni 2:0 koʻrinishiga keltirdi.

"Havr" jamoasi ham hujum qilishga urindi. Rassul Nʼdiaye oʻz hujumini markazdan boshladi va jarima maydonchasiga uzatma berdi.

Sumare bu vaziyatdan foydalanib zarba berdi, ammo toʻp ustunga tegib qaytdi. Uorren Zair-Emeri oʻng qanotda toʻpni qabul qilib, uzoq ustunga uzatma berdi.

Nunu Mendesh bu vaziyatdan foydalana olmadi va zarbasi ancha yuqoridan oʻtdi. Oʻyinning soʻnggi daqiqalarida Xvicha Kvaratsxeliya raqib maydonida toʻpni egallab, Bredli Barkolaga uzatma berdi.

Barkola himoyachidan oʻzib oʻtib, 14 metr masofadan zarba berib, hisobni 3:0 koʻrinishiga olib keldi. Ushbu gʻalaba evaziga PSJ yana birinchi oʻringa koʻtarildi, "Havr" esa 12-oʻrinda qoldi.

“Zamin”ni Telegramʻda oʻqing!