Kvaratsxeliya: 'PSJda himoyaga hamma yordam beradi'

Gruziyalik hujumchi Xvicha Kvaratsxeliya ilgari himoyada ishlashni yoqtirmaganini tan oldi, biroq hozirda bu bilan faol shugʻullanayotganini aytdi. Uning soʻzlariga koʻra, bu «PSJ» klubining umumiy uslubiga xos.

Maʼlumki, fransuz klubini ispan mutaxassisi Luis Enrike boshqaradi. "Avval men hech qachon himoyada ishlamaganman.

Ammo hozir tushundimki, bu yerda shunday qilish kerak, orqaga qaytib, jamoadoshlarimga yordam berishim zarur. Men murabbiy bilan bu masalada ishlayapman va har bir oʻyinda bu borada rivojlanishga intilmoqdaman", – deya Kvaratsxeliyaning soʻzlarini keltiradi derbyderbyderby.it.

Eslatib oʻtamiz, gruziyalik hujumchi avval Rossiya chempionatida Moskvaning «Lokomotiv» klubida oʻynagan. “Zamin”ni Telegramʻda oʻqing!