Braziliya futbol konfederatsiyasi prezidenti Samir Xaud milliy terma jamoa bosh murabbiyi Karlo Anchelotti bilan yangi mehnat shartnomasi imzolanishi ehtimoli haqida fikr bildirdi. "Anchelotti hammasi ikki tomonning kelishuviga bog'liqligini aytdi.
Men uzoq muddatli hamkorlikni yo'lga qo'yishimizga ishonaman. Buning uchun barcha sharoitlar yaratilgan", dedi Xaud jurnalistlar bilan suhbat davomida.
Anchelotti va Braziliya terma jamoasi o'rtasidagi amaldagi shartnoma 2026-yilgi Jahon chempionati yakunida tugaydi. Tomonlar hamkorlikni 2030-yilgacha davom ettirish imkoniga ega.
Italiyalik mutaxassis joriy yilning may oyida "Selechao" bosh murabbiyi lavozimini egallagan edi. Anchelotti boshchiligida Braziliya terma jamoasi 2026-yilgi Jahon chempionatiga yo'llanma oldi.
Mehmon guruhidagi foydalanuvchilar ushbu nashrga izoh qoldira olmaydi.
