Turkiyaning "Galatasaray" klubi hujumchisi Mauro Icardi Saudiya Arabistonidan kelgan 120 million yevrolik taklifni rad etdi. Bu haqda Fichajes xabar bermoqda.
Manbalarga ko‘ra, futbolchining agenti Xorxe Vardining ma’lum qilishicha, bu taklif 2023 yil yozida noma’lum klub tomonidan berilgan. Icardiga uch yillik shartnoma taklif qilingan bo‘lsa-da, u muxlislarga minnatdorchilik sifatida "Galatasaray"da qolishni afzal ko‘rgan.
Joriy mavsumda Icardining klubdan ketishi haqidagi gaplar yana dolzarb bo‘lib qoldi. Klub 32 yoshli futbolchini saqlab qolishni xohlamoqda, garchi u asosan zaxiradan maydonga tushayotgan bo‘lsa ham.
Hozirgacha u Turkiya chempionatida 11 o‘yinda qatnashib, 6 ta gol urishga muvaffaq bo‘lgan. Uning amaldagi shartnomasi esa kelayotgan yozda yakuniga yetadi.
Mehmon guruhidagi foydalanuvchilar ushbu nashrga izoh qoldira olmaydi.
