«Bayer» klubi bosh murabbiyi Kasper Yuylmann Dortmundning «Borussiya» jamoasiga qarshi bo‘lib o‘tadigan o‘yin oldidan matbuot anjumanida ishtirok etdi. Bundesliga 12-tur uchrashuvi 29-noyabr kuni Moskva vaqti bilan soat 20:30 da boshlanishi rejalashtirilgan.
Kalendar yil yakuniga qadar jamoa 21 kun ichida 3 ta turli musobaqada 6 ta o‘yin o‘tkazishi kerak bo‘ladi. «Manchester Siti» ustidan Chempionlar ligasida qozonilgan g‘alabadan so‘ng tarkib rotatsiyasi haqida savolga javob bergan Yuylmann shunday dedi: «Dastur juda zich, bizga barcha futbolchilar kerak.
Shu sababli, ayrim futbolchilar shanba kuni maydonga yangi kuch bilan qaytishidan xursandmiz. Biz yana o‘z o‘yinimizni namoyish qilishni va yaxshilanish sari navbatdagi qadamni tashlashni istaymiz», – dedi bosh murabbiy.
Diskvalifikatsiya tufayli «Manchester Siti»ga qarshi bahsda ishtirok eta olmagan Edmond Tapsoba va Robert Andrix, shuningdek, Chempionlar ligasi ro‘yxatida bo‘lmagan Yonas Xofman va Martin Terje asosiy tarkibga qaytishdi. Ammo uzoq muddat davomida jarohati sabab o‘ynay olmayotgan Palasios va Fernandesdan tashqari, darvozabon Yanis Blasvix, Artur, Lukas Vaskes va Aksel Tape ham maydonga tushmaydi.
«Lukas va Aksel o‘zlarini juda yaxshi his qilishmoqda. Ular to‘liq mashg‘ulot qilyapti va ehtimol, keyingi haftada qatorga qaytishadi».
«Bayer» hozirda 23 ochko bilan ikkinchi o‘rinda, «Borussiya» esa 22 ochko to‘plagan. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
