2025-yil futbol dunyosida kutilmagan rekord kuzatildi — “Barselona”ning 18 yoshli tezkor va iqtidorli vingeri Lamin Yamalning formasi jahonda eng ko‘p sotilgan futbol libosi sifatida qayd etildi. Ushbu natija bilan u hatto global marketing kuchiga ega Lionel Messidan ham o‘tib ketdi. Bu haqda “Score 90” nashri o‘zining so‘nggi tahlilida ma’lum qildi.
Tadqiqot natijalariga ko‘ra, Lamin Yamal nomiga ega futbolkalar 1,315 million dona miqdorda sotilgan. Bu — yosh futbolchi uchun nafaqat marketingda, balki jahon miqyosidagi tanilishda ham muhim bosqich bo‘ldi.
Ikkinchi o‘rinni esa argentinalik afsona Lionel Messi egalladi. Uning “Inter Mayami” va Argentina terma jamoasi formalari jami 1,278 million dona xarid qilingan. Messining sotuvdagi bu yuqori ko‘rsatkichiga qaramay, Yamal uni yengib o‘tgani futbol olamida katta muhokamaga sabab bo‘ldi.
Uchinchi o‘ringa Polsha hujumchisi Robert Levandovski joylashdi — uning formasi 1,110 million dona sotilgan. Top-5likni esa “Real Madrid” yulduzlari to‘ldirgan: Kilian Mbappe 1,020 million, Vinisius Junior esa 992 ming dona forma sotuvi bilan keyingi o‘rinlarni egalladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
