Barselona bosh murabbiyi Xans-Diter Flikning fikricha, yarim himoyachi Lamin Yamalni futbol maydonida himoya qilish lozim. Bu haqda nemis mutaxassisi matbuot anjumanida, Yamalning to'psiz o'yini haqida fikr bildirish so'ralganda, aytib o'tdi.
"Yamal to'psiz ham yaxshi harakat qiladi, u yuqori intensivlikda pressing uyushtiradi. Bu borada u sezilarli darajada o'sishga erishdi.
Uning mashg'ulotlardagi ishlari menga juda yoqdi. U a'lo sport formasida.
Bunday futbolchilarni himoya qilishimiz kerak – ular maydonda o'ziga xos harakatlarni amalga oshira oladi, halol o'ynaydi, simulyatsiya qilmaydi va bir, ikki yoki uch futbolchini aldashga intiladi", – dedi Flik jurnalistlarga. Shanba, 6-dekabr kuni Barselona safarda Betisga qarshi o'yin o'tkazadi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
