Ispaniya chempionatining 15-turida "Barcelona" jamoasi Sevilyada "Betis"ga qarshi maydonga tushadi. Ushbu uchrashuv uchun kutilayotgan start tarkiblari eʼlon qilindi.
"Betis": Valyes (darvozabon), Valentin Gomes, Natan, Bartra, Ruibal, Roka, Fornals, Ezzalzuli, Altimira, Antoni, Xuan Ernandes. "Barcelona": Joan Garsiya (darvozabon), Balde, Jerar Martin, Kubarsi, Kunde, Pedri, Erik Garsiya, Reshford, Rafinya Dias, Yamal, Levandovski.
"Betis" tarkibida Isko Alarkon, Sofyan Amrabat, Ektor Belerin va Jovanni Lo Chelso jarohatlar sababli o‘yin o‘tkazishlari nomaʼlum. "Barcelona" safida esa Mark-Andre ter Shtegen, Gavi va Dani Olmo jarohat tufayli maydonga tusha olmaydi.
"Barcelona" bosh murabbiyi Xans-Diter Flikning so‘zlariga ko‘ra, Fermin Lopes faqat bir necha daqiqa maydonga tushishi mumkin. Shuningdek, Flik Franki de Yongning asosiy tarkibda paydo bo‘lish ehtimolini ham istisno qilmadi.
"Betis" La Ligada bir o‘yin kam o‘tkazgan holda "Barcelona"dan 13 ochkoga ortda qolmoqda. O‘tgan ish haftasida "Betis" Ispaniya Kubogida "Torrent"ni 4:1 hisobida mag‘lub etdi, "Barcelona" esa Primerada "Atletiko Madrid" ustidan 3:1 hisobida g‘alaba qozondi.
Ispaniya chempionatining 14-turida "Betis" Sevilya derbisida "Sevilya"ni 2:0 hisobida mag‘lubiyatga uchratgan bo‘lsa, "Barcelona" avval "Alaves"ni, so‘ngra "Atletiko"ni bir xil 3:1 hisobida mag‘lub etdi. "Betis" va "Barcelona" o‘rtasidagi mazkur bahs Sevilyadagi Olimpiya stadionida bo‘lib o‘tadi.
Oʻyin Toshkent vaqti bilan 23:30 da boshlanadi. To‘g‘ridan-to‘g‘ri matnli onlayn translyatsiyani kuzatib boring.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
