Lionel Messi Argentina terma jamoasida kapitanning bog'ichini taqish huquqini nafaqat superyulduz maqomi va maydondagi o'yini, balki faoliyatining so'nggi bosqichlaridagi yetakchiligi tufayli ham qo'lga kiritgan. Biroq, 38 yoshga yetgan Messi estafetani topshirishga yaqin.
Endi esa Argentina terma jamoasining yangi yetakchisi sifatida Enso Fernandes nomzod bo'lishi mumkin. Lionel Skaloni davrida kapitanning bog'ichi deyarli o'zgarmagan, faqat Messi maydonga tushmagan yoki zaxirada boshlagan o'yinlarda boshqa futbolchilar vaqtinchalik yetakchi bo'lishgan.
Ammo Enso Fernandes bu imkoniyatdan foydalanmagan futbolchilardan biri. Endi esa «Chelsi» klubi yarim himoyachisi ochiqchasiga Argentina terma jamoasida yetakchi bo'lish orzusini bildirib o'tdi.
"Men Argentina terma jamoasining kapitani bo'lishni orzu qilaman, lekin bu qaror faqat murabbiylar shtabi tomonidan qabul qilinadi. Men uchun bu katta sharaf bo'ladi", – dedi Fernandes GiveMeSport nashriga bergan intervyusida.
Shuningdek, Enso Fernandes AQSh, Kanada va Meksikada bo'lib o'tadigan keyingi Jahon chempionatiga tayyorgarlik haqida gapirdi: "O'ylaymanki, bu Messi uchun so'nggi Jahon chempionati bo'lishi mumkin. Biz unga yordam berish va titulni himoya qilish uchun bor kuchimizni sarflaymiz." Enso Fernandes futbol sahnasiga tezda kirib kelgan.
U dastlab "River Pleyt"da o'ynagan, keyin esa "Benfika"da o'zini ko'rsatgan va 2022 yilgi Jahon chempionatida Argentina terma jamoasining muhim futbolchilaridan biriga aylangan. Endi u "Chelsi"da Riss Jeyms bilan kapitanning bog'ichini bo'lishmoqda va 24 yoshida Argentina terma jamoasida ham xuddi shunday maqomga ega bo'lishni maqsad qilgan.
Lionel Skaloni Argentina terma jamoasi bosh murabbiyi sifatida 2018 yilda, Rossiyadagi muvaffaqiyatsiz Jahon chempionatidan so'ng ish boshlagan. O'tgan davr mobaynida Messi terma jamoaning 90 o'yinidan 61 tasida kapitanni bo'lgan.
Uning ortidan Anxel Di Mariya (9 o'yin), Nikolas Otamendi (8 o'yin) va boshqa futbolchilar boradi. Hozirgi tarkibda faqat Otamendi, Talyafiko va Kristian Romero Messi yo'q bo'lganida kapitanning bog'ichini taqib ko'rishgan.
Biroq, Messi va Otamendi faoliyatining oxirgi bosqichida ekanini hisobga olsak, Enso Fernandes kelajakda bu rol uchun asosiy nomzod bo'lishi mumkin.
Mehmon guruhidagi foydalanuvchilar ushbu nashrga izoh qoldira olmaydi.
