“Liverpul” sardori Virjil van Deyk jamoa hujumchisi Muhammad Salohning so‘nggi vaziyati haqida fikr bildirdi. Ma’lumki, Saloh jamoaning “Inter”ga qarshi o‘yinida ishtirok etmadi.
Bu holat futbolchining asosiy tarkibga kiritilmagani uchun norozi bo‘lganini ochiq bildirganidan keyin yuz berdi. Van Deyk bu haqda shunday dedi: “Bu murakkab vaziyat, lekin bu butun jamoaga taalluqli holat.
Saloh va klub o‘rtasidagi vaziyat o‘ziga xos. Bugungi kunda u bu yerda yo‘q – bu haqiqat.
Ammo bu bizning diqqatimiz va qat’iyatimizga ta’sir qilgani yo‘q. Saloh uzr so‘rashi kerakmi?
Bu masalada men gapira olmayman. U so‘nggi paytlarda o‘z his-tuyg‘ularini ifoda etdi, xolos.
Bu masalani klub hal qilishi kerak va, albatta, men ham bunga e’tibor qarataman. Bizning e’tiborimiz o‘zgarmadi.
U biz bilan birga mashg‘ulot o‘tkazdi. Haqiqat shundaki, yaqinda Mo Afrika Millatlar Kubogiga jo‘nab ketadi.
Men uni uzoq vaqtdan beri bilaman, biz yaqin do‘stmiz va ko‘plab yutuqlar va muvaffaqiyatsizliklarni birga boshdan kechirdik. Biz muloqotdamiz va bunday narsalar jamoa ichida qolishi kerak.
Jamoa birlashib, tashqi shov-shuvlarga qarshi turishi lozim. Eng muhimi, bir-birimiz bilan suhbatlashishdir,” – dedi van Deyk Amazon Prime’ga bergan intervyusida, “Inter”ga qarshi 1:0 hisobida qozonilgan g‘alabadan so‘ng.
“Liverpul” Chempionlar ligasidagi olti o‘yinda 12 ochko to‘pladi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
