“Liverpul”ning o‘tgan mavsumdagi muvaffaqiyatida eng katta ulushlardan biri aynan Muhammad Salohga tegishli edi. Misrlik hujumchi barqaror gollari va tayinli paslari bilan jamoani Angliya chempioni qilishda hal qiluvchi omilga aylangan, shundan so‘ng esa klub bilan shartnomasini yana ikki yilga uzaytirgandi.
Biroq yangi mavsum kutilganidek oson boshlanmadi. “Liverpul”ning o‘yinida ham, Salohning o‘z formasida ham muammolar ko‘rinmoqda. Oxirgi turlarda unga boshlang‘ich tarkibdan joy berilmagan uchrashuvlar ham kuzatilmoqda. Natijada, 33 yoshli to‘purarning klubdagi kelajagi borasida turli mish-mishlar yanada kuchaydi.
Saudiya Arabistoni jamoalari bir necha bor Salohga jiddiy takliflar yuborgani haqida yozildi. Afsuski, bu takliflarning ayrimlari “Liverpul”ning o‘zi uchun ham moliyaviy jihatdan juda manfaatli bo‘lishi mumkin edi. Ammo futbolchi Yevropada qolishni afzal ko‘rishi mumkinligi haqida ham manbalar keltirmoqda.
Shu orada Ispaniyaning Fichajes nashri sensatsion ma’lumot tarqatdi: “Galatasaroy” Muhammad Salohni qishki transfer oyidayoq Istanbulga olib kelish rejasini ishga tushirgan. Turkiyaning eng omadli klublaridan biri bo‘lgan “Galatasaroy” misrlik yulduz atrofida butunlay yangi sport loyihasini qurishga tayyor ekani ta’kidlanadi.
Manbalarga ko‘ra, turklar Salohga har mavsum uchun 20–22 million yevro atrofida maosh, qo‘shimcha ravishda ko‘p millionlik homiylik kelishuvlari va jamoada markaziy, yetakchi o‘rinni taklif qilmoqda. Bu loyiha Salohning Turkiya chempionatiga kelishi uchun jiddiy rag‘bat sifatida qaralmoqda.
Ayni paytda, futbolchi qarorni qachon chiqaradi — noma’lum. “Liverpul” uni yo‘qotishni istamaydi, Saudiya klublari ham uning ortidan qaytmay qoqilmoqda, “Galatasaroy” esa yangi superklub quruvchi kabi harakat qilmoqda.
Salohning kelajagi qayerda davom etadi — qishki transfer oyi bu savolga aniq javob beradi. Muxlislar esa misrlik yulduzdan yana bir karera burilishini kutib turibdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
