Futbol olamida yana bir qizg‘in xabar: tajribali himoyachi Serxio Ramos “Monterrey” bilan tuzilgan kelishuvni rasman bekor etdi va endi uning navbatdagi manzili Angliya bo‘lishi mumkinligi haqida jiddiy ma’lumotlar paydo bo‘ldi.
“Cadena SER” yozganiga ko‘ra, “Manchester Yunayted” 39 yoshli ispaniyalik afsonaning xizmatlariga jiddiy qiziqish bildirgan va unga rasmiy taklif yo‘llagan. Manchester klubi yanvar oyida Ramos bilan shartnoma imzolashga tayyor ekani, ayni damda esa muzokaralar uchun ochiq turgani ta’kidlanmoqda.
Katta tajribaga ega, turli sovrinlar sohibi-yu bir qator yetuk jamoalarda o‘ynagan Ramosning Premer-ligaga qaytishi nafaqat APL muxlislari, balki butun futbol jamoatchiligi uchun kutilgan voqelik bo‘lishi mumkin. Uning ligadagi o‘yini, jamoaga qo‘shadigan tajribasi va maydondagi yetakchilik qobiliyati haqida ham ko‘plab taxminlar aytilib ulgurdi.
Bundan avvalroq himoyachining yozda o‘tadigan Jahon chempionatida ishtirok etish niyati sabab Yevropaga qaytishi mumkinligi haqida ham xabarlar tarqalgandi. Shu bois Ramosning Angliyaga ko‘chib o‘tishi terma jamoaga chaqiruv olishi uchun qulay imkoniyat sifatida baholanmoqda.
Shu tariqa, tajribali himoyachi faoliyatidagi navbatdagi bob APLda ochilishi mumkin — bu esa Yevropa futbolidagi eng qiziqarli xabarlardan biriga aylandi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
