2025 yilning rasmiy yakunlari e’lon qilinishi bilan World Boxing tashkiloti barcha vazn toifalari bo‘yicha dunyo reytingini jamoatchilikka taqdim etdi. Ushbu ro‘yxatda yurtimiz bokschilari yana bir bor o‘zining yuqori mahorati, barqaror natijasi va xalqaro arenadagi nufuzini namoyish etdi. Ayollar va erkaklar o‘rtasidagi deyarli barcha vazn toifalarida O‘zbekiston nomidagi sportchilar yuqori pog‘onalardan joy oldi.
Bu nafaqat yosh avlod uchun ilhom, balki milliy boks maktabining qanchalik kuchli ekaniga yana bir isbotdir. Quyida vaznlar kesimida batafsil natijalarni ko‘rib chiqamiz.
Ayollar boksining 2025 yilgi dunyo reytingida o‘zbek qahramonlari
Yurtdosh sportchi qizlarimiz jahon reytingida ko‘plab yuqori o‘rinlarni egalladi. Ayniqsa, -65 va -70 kg vaznlarda Navbahor Xamidova hamda Aziza Zokirova uchinchi pog‘onadan joy olgani e’tiborga molik. Umuman olganda, har bir vaznda kamida bir nafar o‘zbekistonlik ayol bokschisining mavjudligi — milliy boks tizimining to‘g‘ri yo‘lda ekanini ko‘rsatadi.
-48 kg: Sabina Boboqulova — 4-o‘rin, Farzona Fozilova — 9-o‘rin
-51 kg: Feruza Kazakova — 4-o‘rin, Gulsevar G‘aniyeva — 11-o‘rin
-54 kg: Nigina O‘ktamova — 8-o‘rin, Feruza Kazakova — 14-o‘rin
-57 kg: Xumorabonu Mamajonova — 10-o‘rin
-60 kg: Sitora Turdibekova — 10-o‘rin
-65 kg: Navbahor Xamidova — 3-o‘rin
-70 kg: Aziza Zokirova — 3-o‘rin
-75 kg: Aziza Zokirova — 14-o‘rin
-80 kg: Sohiba Ro‘zmetova — 11-o‘rin
80+ kg: Oltinoy Sotimboyeva — 5-o‘rin
Erkaklar boks reytingini esa o‘zbeklar lider sifatida boshqarmoqda
Eng katta e’tibor — erkaklar o‘rtasidagi raqobatda ham bir nechta vazn toifasida o‘zbek sportchilari jahon bo‘yicha birinchi o‘rinni egallagani. Xususan, -60, -65, -75, -80, -85 va -90 kg vaznlarda yurtimiz bokschilari dinozavrlardek ustunlik qilmoqda.
-50 kg: Asilbek Jalilov — 6-o‘rin, Shodiyor Meliqo‘ziyev — 7-o‘rin
-55 kg: Mirazizbek Mirzahalilov — 9-o‘rin, Samandar Olimov — 11-o‘rin
-60 kg: Abdumalik Xalakov — 1-o‘rin, Dilshod Abdumurodov — 13-o‘rin, Madiyar Daniyarov — 16-o‘rin
-65 kg: Asadxo‘ja Mo‘ydinxo‘jayev — 1-o‘rin, Adhamjon Muhiddinov — 10-o‘rin
-70 kg: Shavkatjon Boltayev — 8-o‘rin, Muhammadazizbek Ismoilov — 12-o‘rin
-75 kg: Fazliddin Erkinboyev — 1-o‘rin, Javohir Abdurahimov — 8-o‘rin
-80 kg: Javohir Ummataliyev — 1-o‘rin, To‘rabek Xabibullayev — 8-o‘rin
-85 kg: Akmaljon Isroilov — 1-o‘rin, Jasurbek Yo‘ldoshev — 11-o‘rin
-90 kg: To‘rabek Xabibullayev — 1-o‘rin, Nusratbek Tohirov — 11-o‘rin
90+ kg: Jahongir Zakirov — 2-o‘rin, Halimjon Mamasoliyev — 7-o‘rin
Xulosa
2025 yil uchun e’lon qilingan ushbu reyting yana bir bor isbotlaydi:
O‘zbekiston boks maktabi jahonning eng kuchlilaridan biriga aylanib bo‘lgan.
Yurtdosh sportchilarning ko‘rsatayotgan barqaror natijalari Parijdan keyingi olimpiya siklda ham ulkan yutuqlarni kutishga asos beradi. Muxlislar esa endi har bir musobaqani alohida qiziqish va katta ishonch bilan kuzatadigan bo‘lib qolgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
