Everton bosh murabbiyi Devid Moyes jamoasining yevrokuboklar yo‘llanmalari uchun kurashi haqida fikr bildirdi. Hozirda mersisaydliklar Angliya Premyer-ligasi turnir jadvalida 9-o‘rinda bormoqda.
Moyesning ta’kidlashicha, har bir g‘alaba jamoada yevrokuboklar uchun kurashish imkoniyati bor, degan ishonchni kuchaytiradi, ammo mag‘lubiyatlar ehtiyotkorroq bo‘lish kerakligini eslatadi. Murabbiy bu mavsum Premyer-ligada vaziyat o‘ta o‘zgaruvchan ekanini qayd etib, Everton hozircha yaxshi ish olib borayotganini aytdi.
Shuningdek, u so‘nggi besh uchrashuvning to‘rttasida g‘alaba qozonilgani jamoani qulay holatga olib kelganini, biroq bir-ikki o‘yinning o‘zi hammasini o‘zgartirib yuborishi mumkinligini urg‘uladi. Moyesning so‘zlariga ko‘ra, agar Everton Chelsea ustidan ham g‘alaba qozonganida, jamoa 4 yoki 5-o‘ringa ko‘tarilib olishi mumkin edi.
Murabbiy mavsum davomida shunday imkoniyat yana paydo bo‘lishiga umid bildirdi. “Men yevrokuboklarni orzu qilaman, lekin realistman.
To‘rt-besh o‘yinda yutqazsangiz, jadvalning boshqa tomoniga tushib qolishingiz mumkin”, dedi Moyes jurnalistlarga. 20 dekabr, shanba kuni Everton o‘z maydonida Arsenalni qabul qiladi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
