Rimning "Roma" klubi bosh murabbiyi Jan Piero Gasperini Sesk Fabregas boshqaruvidagi "Como" jamoasining o'yin uslubini keskin tanqid qildi. Mutaxassisni, ayniqsa, darvozabonning vaqt cho'zishi bilan bog'liq vaziyatlar norozi qilmoqda.
Gasperini ta'kidlashicha, to'p yerda bo'lgani uchun qoidabuzarlik qayd etilmaydigan bunday epizodlar futbolning tomoshabopligiga salbiy ta'sir ko'rsatadi va bu borada choralar ko'rish vaqti kelgan. "Inter"ga qarshi uchrashuvda to'p 51 marta darvoza maydonchasiga kirib borganini misol keltirgan Gasperini buni muxlislar yoqtirmasligini aytdi.
Uning fikricha, bu jarayon futbolni xunuk ko'rinishga olib keladi, beshga besh formatidagi o'yinga o'xshab qoladi va bunday o'yinni tomosha qilish yoqimsiz. "Roma" va "Como" o'rtasidagi A Seriyasining 15-tur bahsi 15 dekabr kuni bo'lib o'tdi va Gasperini jamoasi 1:0 hisobida g'alaba qozondi.
Uchrashuvdagi yagona golni 60-daqiqada Uesli kiritdi. 15 turdan so'ng "Roma" 30 ochko bilan turnir jadvalida to'rtinchi o'rinni egallab turibdi.
Jamoa peshqadam "Inter"dan uch ochko ortda qolmoqda. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
