Chelsi rahbariyati bosh murabbiy Enso Mareskaning ommaviy chiqishlaridan mamnun emas. So'nggi vaqtlarda italiyalik mutaxassis klub ichida rahbariyat bilan ayrim kelishmovchiliklar borligini yashirmayapti, biroq ehtimoliy nizoga doir aniq tafsilotlar hozircha ochiqlanmagan.
Guardian Sport xabariga ko'ra, klub Mareskaning jamoa bilan erishilgan avvalgi natijalarni “buzg'unchi” ruhda tilga olayotganidan norozi. Chelsida murabbiyning xatti-harakati keskin o'zgargani qayd etilmoqda.
Shuningdek, klubdagilar Mareska ishonch uchun minnatdor bo'lishi kerak, degan fikrda: u hozirgi lavozimga tayinlanishidan avval Chempionshipda ishlagan va yuqori darajadagi top-klublarda katta talabga ega bo'lmagan. Enso Mareskaning Chelsi bilan shartnomasi 2029 yilning o'rtalarigacha mo'ljallangan.
Mutaxassis jamoani o'tgan mavsum boshidan buyon boshqarib kelmoqda. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
