«Real» hujumkor yarim himoyachini qayta sotib olish bo‘yicha qaror qabul qildi. Gap hozir «Komo»da yaxshi o‘yin ko‘rsatayotgan Niko Pas haqida ketmoqda.
«Real» va «Komo» o‘rtasidagi kelishuvda 2025, 2026 va 2027 yillarda madridliklar futbolchini 9 million yevroga qayta sotib olishi mumkinligi belgilangan. Holbuki, nufuzli Transfermarkt portali bir necha kun avval Pasning taxminiy qiymatini 65 million yevrogacha oshirdi.
AS xabariga ko‘ra, «Real» Pasni qayta sotib olishga qat’iy bel bog‘lagan va buni qayta sotish uchun emas, jamoada qoldirish uchun amalga oshirmoqchi. Futbolchi Madrid klubiga qaytadi va jamoada qoladi.
2025/2026 yilgi mavsumda Niko Pas 16 ta o‘yinda maydonga tushib, 5 ta gol va 5 ta golli uzatma qayd etdi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
