Yangi mavsumga tayyorgarlikni rejali va tizimli boshlagan «Neftchi» futbol klubi o‘quv-yig‘in mashg‘ulotlarining birinchi bosqichini Turkiyada o‘tkazadi. Klub matbuot xizmatiga ko‘ra, «chinorlar» 3 yanvar kuni soat 10:00 da Antalya shahriga yo‘l oladi.
Turkiyadagi yig‘inda jamoa futbolchilarning jismoniy holatini yanada yaxshilash, taktik va texnik tayyorgarlikni kuchaytirish, eng muhimi — yangi mavsum oldidan jamoaviy o‘yinni shakllantirishga alohida urg‘u beradi.
Yig‘inga jalb etilgan shtab va xodimlar ro‘yxati
Bosh murabbiy: Islombek Ismoilov
Murabbiylar: Yurgen Gede, Antonio Sarioglu, Vitaliy Galat, Fakunda Stik
Seletsioner: Anvar Berdiyev
Matbuot kotibi: Saidafzal Abdullayev
Jamoa shifokori: Muhiddin Mirzayev
Fizioterapevt: Javohir Elmurodov
Uqalovchilar: Ulug‘bek Hamdamov, Sanjar Saidov
Ma’murlar: Aybek Aliyev, Abduvali Yo‘ldashev
Analitik GPS: Xushnud Bahromov
Tarjimon: Nurullo Subhonov
Futbolchilar ro‘yxati
Darvozabonlar: Akbar To‘rayev, Botirali Ergashev, Ibrohim Shokirov
Himoyachilar: Muhsin Ubaydullayev, Anvar G‘ofurov, Izzatillo Po‘latov, Ibrohim Halil Yo‘ldashev, Muhammadqodir Rasuljonov, Mo‘minxon Bahodirxonov, Nurmuhammad Abdug‘aniyev
Yarimhimoyachilar: Abror Ismoilov, Ikrom Aliboyev, Jamshid Iskanderov, Alisher Odilov, Xurshid G‘iyosov, Farhod Sohibjonov, Daler Tuhsanov, Azizbek Erimbetov
Hujumchilar: Nurbek Sarsenbayev, Azizbek Muratov
Legionerlar va qo‘shimcha ma’lumot
Klub ma’lum qilishicha, legioner futbolchilar Boyan Siger, Yovan Jokich, Vladimir Yovovich va Zoran Marushich Belgrad–Antaliya yo‘nalishi orqali, Ratinio Goyas–Antalya orqali, Silvanus Nimeli esa Liberiyadan jamoa qarorgohiga yetib keladi. Tajribali himoyachi Farruh Sayfiyev esa ma’lum sabablarga ko‘ra yig‘inga 7 yanvardan qo‘shiladi.
Shuningdek, Asilbek Jumayev va Rustambek Fomin hozircha O‘zbekiston U-23 terma jamoasi bilan BAAda yig‘inda. Ularni yanvar oyida Saudiya Arabistonida bo‘lib o‘tadigan Osiyo kubogi uchrashuvlari kutib turgani uchun, musobaqa tugagach «Neftchi» safiga qo‘shilishi rejalashtirilgan.
Qisqasi, «Neftchi» Antalyaga oddiy yig‘in uchun emas, yangi mavsumga “jiddiy reja” bilan ketyapti. Endi esa yig‘indagi har bir kun — keyingi natijalarga qo‘yilayotgan poydevor.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
