Belarus terma jamoasining sobiq yarim himoyachisi, "Rostov"dagi o‘yinlari bilan tanilgan Timofey Kalyachyov milliy jamoaga yangi bosh murabbiy tayinlanishini baholadi. Ispaniyalik Karlos Alos lavozimidan ketgach, uning o‘rniga mahalliy mutaxassis Viktor Gancharenko keldi. Bu haqda euro-football.ru xabar beradi.
"Ehtimol, Gancharenko terma jamoada nimanidir uddalaydi. Viktor Mixaylovich yaxshi murabbiy, uning mukofotlari ko‘p, tajribasi juda katta. U bilan Belarus terma jamoasi yanada kuchliroq bo‘ladi", — deya Kalyachyovning so‘zlarini keltiradi "RB Sport".
Gancharenkoning so‘nggi ish joyi Nijniy Novgorodning "Pari NN" klubi bo‘ldi. U BATE bilan Belarus chempionligini 6 bor qo‘lga kiritgan, CSKA bilan esa Rossiya chempionatida ikki marta kumush medal olgan va OLIMPBET Superkubogini yutgan.
Hozir Belarus FIFA reytingida 99-o‘rinda bormoqda.
“Zamin”ni Telegramʻda oʻqing!
