A Seriya matbuot xizmati dekabr oyi yakunlariga ko'ra "Inter" bosh murabbiyi Kristian Kivu Italiya chempionatining eng yaxshi murabbiyi deb topilganini ma'lum qildi. Bu haqda euro-football.ru xabar beradi.
O'tgan oy milanliklar A Seriya doirasida uchta uchrashuv o'tkazib, barchasida g'alaba qozondi: "Como" 4:0 hisobida taslim etildi, "Jenoa" ustidan 2:1 yutildi, "Atalanta" esa 1:0 hisobida mag'lub etildi. Hozirda "Inter" 42 ochko bilan turnir jadvalida peshqadam, ikkinchi o'rindagi "Milan"dan esa uch ochko oldinda bormoqda.
Kivu "Inter"ni 2025 yil yozida boshqarishga kelib, ikki mavsumga mo'ljallangan shartnoma imzolagan. Ruminiyalik mutaxassis 2018–2024 yillarda klubning turli yosh toifalaridagi jamoalarida ishlagan, 2025 yil fevralidan iyunigacha esa "Parma"ni boshqarib, jamoaga A Seriyada qolishga yordam bergan.
“Zamin”ni Telegramʻda oʻqing!
