Rossiya Davlat dumasi deputati Roman Terushkov ayrim mamlakatlardagi siyosiy keskinlik fonida 2026 yilgi futbol bo‘yicha jahon chempionatini AQShda o‘tkazish masalasi haqida fikr bildirdi. Bu haqda euro-football.ru xabar beradi.
Uning aytishicha, hozirgi voqealar turnir taqvimiga jiddiy ta’sir ko‘rsatmaydi va mundial belgilangan muddatlarda o‘tishi kutilmoqda. Terushkov zamonaviy professional sportda moliyaviy manfaatlar hal qiluvchi omil ekanini, ayrim davlatlarning siyosiy bayonotlari esa musobaqa o‘tkazilishiga real to‘siq bo‘la olmasligini ta’kidladi.
“Professional sportda anchadan beri pul hukmron. Katta ehtimol bilan jahon chempionati reja bo‘yicha o‘tadi, ayrim ‘prinsipial’ davlatlarning siyosiy chiqishlari esa sezilmay qoladi”, — deya Terushkovning so‘zlarini keltiradi “Sovetskiy sport”.
Jahon chempionati 11 iyundan 19 iyulgacha AQSh, Meksika va Kanada maydonlarida bo‘lib o‘tadi.
“Zamin”ni Telegramʻda oʻqing!
