Londonning «Arsenal» klubi Madridning «Real» jamoasi hujumchisi Arda Guler uchun 80 million yevrolik taklif tayyorlamoqda. Bu haqda futbol jurnalisti va insayder Ekrem Konur o‘zining ijtimoiy tarmog‘ida ma’lumot berdi.
Shunga qadar turkiyalik yosh futbolchiga «Liverpul» va «Manchester Yunayted» klublarining qiziqish bildirgani ma’lum bo‘lgandi, ammo «Real» rahbariyati 20 yoshli hujumchini jamoaning uzoq muddatli loyihasining ajralmas qismi sifatida ko‘rmoqda va uni sotishga qarshiligini bildirgan.
Arda Guler 2025/26 yilgi mavsumda barcha musobaqalarda 27 ta o‘yinda maydonga tushib, 3 ta gol va 8 ta golli uzatma muallifi bo‘lgan. U 2023 yil iyulidan buyon «Real» safida to‘p surmoqda. Futbolchining klub bilan shartnomasi 2029 yilgacha amal qiladi. Transfermarkt uning bozor qiymatini 90 million yevroga baholagan.
Gulerning takliflarga olib kelgan yuksak o‘zgarishlari va yosh futbolchi sifatidagi potensiali uning kelajakdagi muvaffaqiyatlariga ishonch bilan qarashga imkon beradi.
“Zamin”ni Telegramʻda oʻqing!
