«Real» himoyachisi Antonio Ryudiger tizzasidagi og‘riqlar sabab Ispaniya Superkubogi finalini o‘tkazib yuborishi mumkin. Bu haqda euro-football.ru xabar beradi.
Jurnalist Migel Anxel Diasning xabar berishicha, 10 yanvar kuni nemis futbolchi jamoaviy mashg‘ulotlardan alohida tarzda zalda ishladi. Shunga qaramay, u 11 yanvar kuni «Barselona»ga qarshi o‘yin uchun qaydnomaga kirishi ehtimoli yuqori. Uchrashuv 00:00 da (Toshkent vaqti bilan) boshlanadi.
Ryudiger 2022 yil yozida «Chelsi»dan «Real»ga erkin agent sifatida kelib qo‘shilgan. Uning Madrid klubi bilan shartnomasi 2026 yil 30 iyungacha amal qiladi. Joriy mavsumda himoyachi barcha musobaqalarda «qaymoqranglilar» safida 9 ta o‘yin o‘tkazgan, biroq gol yoki assist bilan ajralib turmagan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
