Angliya Premyer-ligasining 22-turi doirasida «Brayton» o'z maydonida «Bornmut»ni qabul qildi, ammo uch ochkoni qo'lga kirita olmadi. Uchrashuv 1:1 hisobida yakunlandi. Bu haqda euro-football.ru xabar beradi.
«Chaykalar» bosh murabbiyi Fabian Hyu'rtseler o'yin yakunidan norozi bo'ldi va jamoasi g'alabani ko'proq istab, munosib o'ynaganini ta'kidladi. Uning aytishicha, «Brayton» o'yin oxirlarida biroz sustlashib, gol o'tkazib yuborgan.
«Afsuski, o'yin oxirida biroz pasayib qoldik va gol o'tkazdik. Umuman olganda, g'alabaga loyiq edik. Hali ishlashimiz kerak bo'lgan jihatlar bor, ayniqsa ikkinchi bo'limda juda ko'p yaratgan vaziyatlarimizdan unumli foydalanish ustida», — deya murabbiyning so'zlarini BBC Sport keltiradi.
22-turdan so'ng «Brayton» turnir jadvalida 12-o'rinda bormoqda, «Bornmut» esa 15-pog'onani egallab turibdi.
“Zamin”ni Telegramʻda oʻqing!
