Luis Enrike Mbaye muvaffaqiyatidan juda mamnun ekanini aytdi
PSJ bosh murabbiyi Luis Enrike Senegal bilan Afrika Millatlar kubogida g'olib bo'lgan 17 yoshli Ibraima Mbaye muvaffaqiyatidan alohida xursandligini bildirdi. Uning ta'kidlashicha, Mbaye PSJ safida va turnirda ko'p o'ynab, tajribasini oshirdi hamda tezroq ulg'ayish imkoniga ega bo'ldi. 27 yoshli Ashraf Hakimi esa Marokash bilan finalgacha yetib borib, turnirni kumush medal bilan yakunladi.
PSJ bosh murabbiyi Luis Enrike klubning ikki futbolchisi — senegallik qanot hujumchisi Ibraima Mbaye va marokashlik himoyachi Ashraf Hakimi haqida fikr bildirdi. Bu haqda euro-football.ru xabar beradi.
Har ikki o'yinchi Afrika Millatlar kubogida ishtirok etdi: Hakimi jarohatdan keyin o'zini tiklab, Marokash bilan finalgacha yetib bordi va turnirni kumush medal bilan yakunladi. Mbaye esa Senegal tarkibida qit'a chempioni bo'ldi.
Enrikening so'zlariga ko'ra, Hakimi jamoaga qaytdi va holati yomon emas. Murabbiy mashg'ulotdan oldin futbolchi bilan suhbatlashib, o'zini qanday his qilayotganini bilib olmoqchi, shundan keyin uning yaqin o'yin uchun qaydnomaga kiritilishi masalasi hal qilinadi.
Shuningdek, mutaxassis terma jamoadan qaytish har doim ijobiy holat ekanini ta'kidladi. U Mbaye uchun alohida xursandligini aytib, yosh vinger PSJ safida ham, Afrika Millatlar kubogida ham ko'p o'ynagani tajribasini oshirganini va bu uning tezroq ulg'ayishiga xizmat qilishini qo'shimcha qildi.
27 yoshli Hakimi turnirda 5 uchrashuv o'tkazib, 1 golli uzatma muallifi bo'ldi. 17 yoshli Mbaye esa 6 o'yinda 1 gol urdi.
Izohlar 0
…