Bornmutdagi mag‘lubiyatda Liverpulning eng omadsiz to‘rt futbolchisi
49
«Liverpul» ikki oydan buyon ilk bor yutqazdi. Noyabr oxirida PSV «Enfild»da 4:1 hisobida sensatsiya qilganidan keyin «qizillar» 13 o‘yin davomida mag‘lub bo‘lmagandi. Ammo Bornmut safarida 3:2 natijasi bilan seriya yakunlandi, APLdagi ketma-ket duranglar ham to‘xtadi. Arne Slot jamoasi uchun bu kecha yoqimsiz xotiraga aylandi. Bu haqda euro-football.ru xabar beradi.
Uchrashuvda «Liverpul» safida ko‘proq ko‘zga tashlangan futbolchi Dominik Soboslay bo‘ldi. Biroq bir qator yetakchilar o‘z darajasini ko‘rsata olmadi va raqibga ishni ancha yengillashtirib berdi.
Bornmut – Liverpul bahsida eng ko‘p tanqidga sabab bo‘lgan to‘rt futbolchi haqida qisqacha to‘xtalamiz.
Mohamed Salah – 4,0. Afrika Kubogidan keyingi qaytish Saloh uchun juda xira o‘tdi. Himoyachilar, ayniqsa Senesi, uni to‘pdan oson “uzib” qo‘ydi: u barcha 6 ta yakkakurashda yutqazdi. Ikki bor driblingga kirib, to‘pni yo‘qotdi, 7 ta uzatmasi (navbatsi) manzilga bormadi. O‘yinni keskinlashtira olmadi, standartdagi vaziyatdan berilgan pas esa umumiy taassurotni o‘zgartirmadi.
Alisson – 4,0. Odatda ishonchli bo‘ladigan darvozabon bu safar sust ko‘rindi: epizodlarga kech reaksiya, hal qiluvchi seyvlar deyarli yo‘q. Uzoq masofadan yo‘llangan zarbalardan keyin ikki marta oddiy seyv qildi, xolos. Darvozaga yo‘l olgan boshqa zarbalar golga aylandi. Eng og‘riqlisi – yakunda to‘pning qaytishini noto‘g‘ri baholab, so‘nggi soniyalarda Adliga g‘alaba golini urib ketish imkonini berdi.
Milosh Kerkez – 3,0. Birinchi bo‘limda «Liverpul» himoyasi umuman titradi, lekin tanaffusdan keyin aynan Kerkez almashtirildi. Bu mantiqan ko‘rindi: u Ximenesning tezlanishlariga ko‘p bor ulgurmay qoldi. Hillning uzatmasidan keyingi epizodda ham raqib uni gavdasi bilan surib chiqarib, gol urdi. Hujumga qo‘shilishlarda ham foyda bera olmadi: ikki marta dribling qilib, ikkala safar ham to‘pni yo‘qotdi.
Virgil van Deyk – 3,0. Burchakdan gol urgani albatta qayd etiladi, ammo himoyadagi asosiy vazifalarini bu o‘yinda to‘liq bajara olmadi. Yakkakurashlarda sust, «Bornmut»ning kam sonli hujumlarida ham xavfli vaziyatlar paydo bo‘lishiga yo‘l qo‘ydi. Birinchi gol epizodida to‘pga tepaman deb, havoni “kesdi” va hujumga yo‘l ochilib ketdi. Uchrashuv oxirida ham sarosima sezildi: Adli g‘alaba golini urgan vaziyatda yetarlicha qat’iyat ko‘rsata olmadi. Van Deyk darajasidagi futbolchidan odatda bundan ko‘prog‘i kutiladi.
“Zamin”ni Telegramʻda oʻqing! 
