Maykl Karrik boshchiligidagi ilk ikki uchrashuvda g‘alaba qozongan «Manchester Yunayted» APL jadvalida to‘rtinchi o‘ringa ko‘tarildi. «Qizil iblislar» bu orada eng kuchli raqiblarni ham taslim etdi: «Manchester Siti» 2:0, «Arsenal» esa 3:2 hisobida yutqazdi. Bu haqda euro-football.ru xabar beradi.
Opta superkompyuteri hisob-kitoblariga ko‘ra, mavsum yakunida «MYU»ning Chempionlar ligasi yo‘llanmasi beriladigan o‘rinlar zonasiga kirish ehtimoli hozir 21,7%ni tashkil etadi. Bu ko‘rsatkich hali ham «Chelsi» va «Liverpul»nikidan past, shuningdek, ochkolar bo‘yicha ancha oldinda ketayotgan «Aston Villa», «Manchester Siti» va «Arsenal» ham favoritlar qatorida turibdi.
24-tur doirasida Karrik jamoasi o‘z maydonida «Fulhem»ni qabul qiladi. Uchrashuv kelasi yakshanba, 1-fevral kuni bo‘lib o‘tadi.
“Zamin”ni Telegramʻda oʻqing!
